البتار
04-20-2007, 02:51 AM
الخلوج
خلوج تجذ القلب باتلى عوالها،،،،،تكسر بعبرات تحطم سلالها
تهيض مفجوع الضمير بحسها،،،،،الى طوحت حسه تزايد هجالها
له قلت أنا يا ناق كفى عن البكا،،،،،لا تبحثين النفس عما جرى لها
لا تفجعين البال بالله هودى،،،،،،،،ولى خلوج خبث البين بالها
تبكين فرقا بكرة شدة العرب،،،،،،،،،ضاعت يمين البوش والا شمالها
تجيك يا ناق الخطا أو تجينها،،،،،،،وان كان ضاعت لك بديل بدالها
لكن أنا اليوم ما تنعد مصاوبى،،،،،،،ولا علتي تبرا ولا ينشكى لها
فلو البكا يا ناق عنى يحلها،،،،،،،،بكيت بيض أيامها مع ليالها
ولو البكا يا ناق يرجع لغايب،،،،،،بكيت لين العين ييبس ثمالها
وابكى على الا ثنين ما ذعذع الهوا،،،،،،مدى الدهر لين النفس تلحق زوالها
وابكى على ما صاب نفسى وما جرى،،،،،،وابكى على فتخان الايدي زلالها
وابكى على دار ربينا بربعها،،،،،،،،،،معلوم خشم الرعن من شمالها
ومن شرق طعسين الأرخم تحدها،،،،،،،بين اللوى والسر ما اطيب سهالها
دار بنجد جنة كان قبل ذا،،،،،،،،،،،ومن صكته غبر الليلى عنا لها
وصفه من الخفرات بيضا عفيفه،،،،،،،يفوق كل البيض باهر جما لها
حسودها يغضى الى مر حولها،،،،،،،،من خوف عيال تربوا بجالها
حى امنا واحلو مطعوم درها،،،،،،،،،غدتنا وربتنا وحنا عيالها
بزور بنا ما مثلها يكرم الضنا،،،،،،،،وصول بنا لكن نسينا وصالها
تلقى علينا الجوخ والشال فوقنا،،،،،،،وهي عاريه تبكى ولا احد بكى لها
ولا أحد جزع من صيحته يوم سبلت،،،،،،ولا أحد نشد من بعد ذواش جرى لها
قلت آه واويلاه يا خيبة الرجا،،،،،،،،،كيف أمنا تهضم وحنا قبالها
يا طارش من فوق سراقة الوطا،،،،،،،،،هميم الى سارت ذعرها ظلا لها
حابل ثمان اسنين ما مس خلفها،،،،،،،،ولا بركت للشيل جملة حمالها
الى بدالي لازم قلت شدها،،،،،،،،،واضبط عن الفزات مقضب حبالها
ولا نعتنى بالخرج ماذي بحزته ،،،،،شل قربة واجعل زهابك عدالها
فالى شلت خذلى بالرسن قدر ساعه،،،،،،أبلغك في دق المسايل جلا لها
والى ختمته بالسلام فحثها،،،،،،،من دار ابو جابر سقى الغيث جالها
اوصيك يا مرسال بالسير والسرى،،،،،واحذرك نوم الليل عينك ينالها
الى سرتها عشر وخمس مغرب،،،،،،،مرواحك الشام منها منا لها
والى جيت سوق العصر ياتيك غلمه،،،،،،تخثع بزينات البريسم انعالها
يقولون لك ياصاح عطنا علومك،،،،،،،بلدان نجد عقبنا وش جرى لها؟؟
قل كل بلدان القصيم وغيرها،،،،،،عن الخوف زاموا دون جاله رجالها
مير داركم من عقبكم تندب الثرى،،،،،،تبكى على الماضين واعزتا لها
لعبوا بها الاجناب لا رحم حيكم،،،،،،،والبيض بالبلدان شتت لجالها
شيا بكم تضرب على غير موجب،،،،،،من عقب كبر الجاه تنتف سبالها
أولاد على اليوم ذا وقت نفعكم،،،،،،،،،لا رحم أبو نفس تتاجر بمالها
أولاد على ان الليالى قصيرة،،،،،،،،،،ولا للفتى غير الثنا من نوالها
أولاد على اليوم ما هوب باكر،،،،،،قومو بعزم الليث ماضي فعالها
لا تتبعون الهون والعجز والعسى،،،،،،،او ربما او ليت يعتب سوالها
جود ورجا يا نا س ما هيب عندكم،،،،،،هذيك ما لحقو هل القول جالها
وذى قالة ما ينطحه كود نا در،،،،،،،،اولاد على من بكم قال انا لها
ترى مركب الاخطار هو مصعد العلى،،،،،،ولا يدرك المقصود غير احتمالها
وترى بالسيوف المال والعز والبقا،،،،،،والجنه الخضرا بخضرة ظلالها
قومو براى الله واقضوا ديونكم،،،،،،أنتم هل القالات ما أنتم رذالها
مدام ابو جاب على العز والبقا،،،،،،عنا ثقيلات الحمول ارتكى لها
الى احترك سبع القبايل تحركت،،،،،،والى رسى ترسي رواسي جبالها
قوموا برايه ثم راي ابو ثامر،،،،،،،ابو كلمة يافي بها حين قالها
عرق الصخا بحر الندى مرهق العدا،،،،،،لااشتبت الهيجا تعرفه رجالها
هيج سباع الحرب بالبر والبحر،،،،،والشمس تشكي منه عجه ينالها
ومصقلات الهند تدعي له البقا،،،،،،لولاه كان اصدت بغمده سلالها
نشا مولع بالحرب والضرب ماشكا،،،،،،،والخيل والعيرات تشكي هزالها
من كثر مامسه على السير والسرى،،،،،،من كثر ماخاضت مهامه سهالها
قوي باس مايلين الى مضى،،،،،،،الى ضكته صعب الحمول ارتكى لها
شال الحمول الثقيله يوم جدعت،،،،،،عفى زمول جدعتها وشالها
تذرى به السرحان والفهد والاسد،،،،،،،من هيبته كل وقف في ظلالها
اقسمت بالمولى وبالنور والصمد،،،،،،نواشهد بسكاب المطر من خيالها
ماجابت الخفرات سعدون او مشى،،،،،،،مثله على وجه الوطا من رجالها
من مثل ابو ثامر الى ضبضب القتر،،،،،والخيل زاد من البلنزا جفالها
له هدة ماقيل ابازيد هدها،،،،،،،،،ن ولاعنتر المشهور ماقيل نالها
على سابق تعطى على مايريده،،،،،،ميتم ضعافين القبايل عيالها
تلقى كما لطم العرانين فوقها،،،،،،من خوف عيال تذكر مجالها
شبيبة تلقى مقاديم حربها،،،،،،،،،وذا من قديم طبع عمه وخالها
الى صاح بالمنشا وساروا وسبلوا،،،،،وردوا مثل سيل حدر من سبالها
نشاما يرون الموت هو متجرهم،،،،،،،،،ومجادل الفرسان حدر جدالها
ابلحق انا بعض الشبيبه ملامه،،،،،،،وتكرم على شين الملامه سبالها
قل كيف عبدالله تعدوه وابنه،،،،،،،ملحق قصيرات السبايا طوالها
خلّى مساعير الصريف ترودهم،،،،،،،والضبعة العرجا تنادي عيالها
وهم يزرعون العيش ماكن كارهم،،،،،،،،،ويلاه ياعين تزايد همالها
لولا ابو ثامر يبرد بفعله،،،،،،فرض سنة الشغموم ميتم اطفالها
سنة مهلهل عن كليب خليصه،،،،،،فرضها ابو ثامر وجدد اسمالها
ذبح بعبدالله شيوخ كثيره،،،،،،،ننمصابيح ظلما بالدجى ينعنى لها
ومن عقبهم ميه وعشرين لحيه،،،،،،،ونفسه وعينه ماقضى عشر مالها
وان عاش ابو ثامر وساعف له الهوى،،،،،كم خفرة ترمي الغطا من هبالها
تبكي قصايرها وتبكي حليلها،،،،،،وتبكي مشافيقه وترمي دلالها
هذا وتم القيل والله به الرجا،،،،،،وصلوا على المختار مااهمل خيالها
محمد العوني
=========
للي ما يفهم بعض معاني الكلمات فتكون عنده مبهمه فليرجع لــ قوقول
او يكتب اللي ما فهمه يمكن يصير بعص الاعضاء فاهمها يرد عليه
خلوج تجذ القلب باتلى عوالها،،،،،تكسر بعبرات تحطم سلالها
تهيض مفجوع الضمير بحسها،،،،،الى طوحت حسه تزايد هجالها
له قلت أنا يا ناق كفى عن البكا،،،،،لا تبحثين النفس عما جرى لها
لا تفجعين البال بالله هودى،،،،،،،،ولى خلوج خبث البين بالها
تبكين فرقا بكرة شدة العرب،،،،،،،،،ضاعت يمين البوش والا شمالها
تجيك يا ناق الخطا أو تجينها،،،،،،،وان كان ضاعت لك بديل بدالها
لكن أنا اليوم ما تنعد مصاوبى،،،،،،،ولا علتي تبرا ولا ينشكى لها
فلو البكا يا ناق عنى يحلها،،،،،،،،بكيت بيض أيامها مع ليالها
ولو البكا يا ناق يرجع لغايب،،،،،،بكيت لين العين ييبس ثمالها
وابكى على الا ثنين ما ذعذع الهوا،،،،،،مدى الدهر لين النفس تلحق زوالها
وابكى على ما صاب نفسى وما جرى،،،،،،وابكى على فتخان الايدي زلالها
وابكى على دار ربينا بربعها،،،،،،،،،،معلوم خشم الرعن من شمالها
ومن شرق طعسين الأرخم تحدها،،،،،،،بين اللوى والسر ما اطيب سهالها
دار بنجد جنة كان قبل ذا،،،،،،،،،،،ومن صكته غبر الليلى عنا لها
وصفه من الخفرات بيضا عفيفه،،،،،،،يفوق كل البيض باهر جما لها
حسودها يغضى الى مر حولها،،،،،،،،من خوف عيال تربوا بجالها
حى امنا واحلو مطعوم درها،،،،،،،،،غدتنا وربتنا وحنا عيالها
بزور بنا ما مثلها يكرم الضنا،،،،،،،،وصول بنا لكن نسينا وصالها
تلقى علينا الجوخ والشال فوقنا،،،،،،،وهي عاريه تبكى ولا احد بكى لها
ولا أحد جزع من صيحته يوم سبلت،،،،،،ولا أحد نشد من بعد ذواش جرى لها
قلت آه واويلاه يا خيبة الرجا،،،،،،،،،كيف أمنا تهضم وحنا قبالها
يا طارش من فوق سراقة الوطا،،،،،،،،،هميم الى سارت ذعرها ظلا لها
حابل ثمان اسنين ما مس خلفها،،،،،،،،ولا بركت للشيل جملة حمالها
الى بدالي لازم قلت شدها،،،،،،،،،واضبط عن الفزات مقضب حبالها
ولا نعتنى بالخرج ماذي بحزته ،،،،،شل قربة واجعل زهابك عدالها
فالى شلت خذلى بالرسن قدر ساعه،،،،،،أبلغك في دق المسايل جلا لها
والى ختمته بالسلام فحثها،،،،،،،من دار ابو جابر سقى الغيث جالها
اوصيك يا مرسال بالسير والسرى،،،،،واحذرك نوم الليل عينك ينالها
الى سرتها عشر وخمس مغرب،،،،،،،مرواحك الشام منها منا لها
والى جيت سوق العصر ياتيك غلمه،،،،،،تخثع بزينات البريسم انعالها
يقولون لك ياصاح عطنا علومك،،،،،،،بلدان نجد عقبنا وش جرى لها؟؟
قل كل بلدان القصيم وغيرها،،،،،،عن الخوف زاموا دون جاله رجالها
مير داركم من عقبكم تندب الثرى،،،،،،تبكى على الماضين واعزتا لها
لعبوا بها الاجناب لا رحم حيكم،،،،،،،والبيض بالبلدان شتت لجالها
شيا بكم تضرب على غير موجب،،،،،،من عقب كبر الجاه تنتف سبالها
أولاد على اليوم ذا وقت نفعكم،،،،،،،،،لا رحم أبو نفس تتاجر بمالها
أولاد على ان الليالى قصيرة،،،،،،،،،،ولا للفتى غير الثنا من نوالها
أولاد على اليوم ما هوب باكر،،،،،،قومو بعزم الليث ماضي فعالها
لا تتبعون الهون والعجز والعسى،،،،،،،او ربما او ليت يعتب سوالها
جود ورجا يا نا س ما هيب عندكم،،،،،،هذيك ما لحقو هل القول جالها
وذى قالة ما ينطحه كود نا در،،،،،،،،اولاد على من بكم قال انا لها
ترى مركب الاخطار هو مصعد العلى،،،،،،ولا يدرك المقصود غير احتمالها
وترى بالسيوف المال والعز والبقا،،،،،،والجنه الخضرا بخضرة ظلالها
قومو براى الله واقضوا ديونكم،،،،،،أنتم هل القالات ما أنتم رذالها
مدام ابو جاب على العز والبقا،،،،،،عنا ثقيلات الحمول ارتكى لها
الى احترك سبع القبايل تحركت،،،،،،والى رسى ترسي رواسي جبالها
قوموا برايه ثم راي ابو ثامر،،،،،،،ابو كلمة يافي بها حين قالها
عرق الصخا بحر الندى مرهق العدا،،،،،،لااشتبت الهيجا تعرفه رجالها
هيج سباع الحرب بالبر والبحر،،،،،والشمس تشكي منه عجه ينالها
ومصقلات الهند تدعي له البقا،،،،،،لولاه كان اصدت بغمده سلالها
نشا مولع بالحرب والضرب ماشكا،،،،،،،والخيل والعيرات تشكي هزالها
من كثر مامسه على السير والسرى،،،،،،من كثر ماخاضت مهامه سهالها
قوي باس مايلين الى مضى،،،،،،،الى ضكته صعب الحمول ارتكى لها
شال الحمول الثقيله يوم جدعت،،،،،،عفى زمول جدعتها وشالها
تذرى به السرحان والفهد والاسد،،،،،،،من هيبته كل وقف في ظلالها
اقسمت بالمولى وبالنور والصمد،،،،،،نواشهد بسكاب المطر من خيالها
ماجابت الخفرات سعدون او مشى،،،،،،،مثله على وجه الوطا من رجالها
من مثل ابو ثامر الى ضبضب القتر،،،،،والخيل زاد من البلنزا جفالها
له هدة ماقيل ابازيد هدها،،،،،،،،،ن ولاعنتر المشهور ماقيل نالها
على سابق تعطى على مايريده،،،،،،ميتم ضعافين القبايل عيالها
تلقى كما لطم العرانين فوقها،،،،،،من خوف عيال تذكر مجالها
شبيبة تلقى مقاديم حربها،،،،،،،،،وذا من قديم طبع عمه وخالها
الى صاح بالمنشا وساروا وسبلوا،،،،،وردوا مثل سيل حدر من سبالها
نشاما يرون الموت هو متجرهم،،،،،،،،،ومجادل الفرسان حدر جدالها
ابلحق انا بعض الشبيبه ملامه،،،،،،،وتكرم على شين الملامه سبالها
قل كيف عبدالله تعدوه وابنه،،،،،،،ملحق قصيرات السبايا طوالها
خلّى مساعير الصريف ترودهم،،،،،،،والضبعة العرجا تنادي عيالها
وهم يزرعون العيش ماكن كارهم،،،،،،،،،ويلاه ياعين تزايد همالها
لولا ابو ثامر يبرد بفعله،،،،،،فرض سنة الشغموم ميتم اطفالها
سنة مهلهل عن كليب خليصه،،،،،،فرضها ابو ثامر وجدد اسمالها
ذبح بعبدالله شيوخ كثيره،،،،،،،ننمصابيح ظلما بالدجى ينعنى لها
ومن عقبهم ميه وعشرين لحيه،،،،،،،ونفسه وعينه ماقضى عشر مالها
وان عاش ابو ثامر وساعف له الهوى،،،،،كم خفرة ترمي الغطا من هبالها
تبكي قصايرها وتبكي حليلها،،،،،،وتبكي مشافيقه وترمي دلالها
هذا وتم القيل والله به الرجا،،،،،،وصلوا على المختار مااهمل خيالها
محمد العوني
=========
للي ما يفهم بعض معاني الكلمات فتكون عنده مبهمه فليرجع لــ قوقول
او يكتب اللي ما فهمه يمكن يصير بعص الاعضاء فاهمها يرد عليه