قاحن الدله
02-25-2008, 03:52 PM
السلام عليكم
يالله انك تحييهم وشلونكم انشاء الله بخير
اليوم ابي اقص لكم قصه صارت لي وانا بالحج
هذا سلمكم الله يوم من ايام ذو الحجه كنت جالس بالإستراحه مالي من الشيطان طريق اتفنجل انا واقهوتي واضرب من الحلى
مادريت إلا دخلوا علي اثنين من الشباب وقالوا لي يالله تقلقل
قلت وش تبون قالوا يالله جهز نفسك نبي نحج
قلت لهم والله وقضوا الناس واحج معكم طسوا بس
قالوا وراه وش بك .. قلت الحج يبيلوه ناس تعرف وين نروح وين نجي
قال واحد منهم لعبتي الحج اربع مرات حاج وهذي الخامسه انشاء الله
قلت لا مانب رايح ... المهم جلسوا فوق راسي وقالوا قسم بالله كأنه كشته
والله ان تستانس إن كان خايف من الزحمه فأنا اعرف اوقات مافيه زحمه ومن هالكلام ماادريت إلا ادخلت براسي
قلت لهم يالله مته المشيه قالوا بعد يومين قلت تم
من بكره دقو علي وقالوا لي وينك قلت بالبيت قالو يالله شوي وجاينك
المهم وصلوا لمي وقلت لهم وين؟؟؟؟؟
قالوا نبي نشري دبابات !!!!
انا اطلعن اعيوني .... وش دبابات وين حنا بوه
وش اللي دبابات تستهبلون انتم
قالوا لا دبابات حقات اللي يغسلون سيارات حقت البنقاليه
انهبلت انا ... قلت وش نبي بهن .... قالوا وش عرفك همانا قلنا لك كأنك كاشت ... هذولي علشان الزحمه إذا وصلنا نركبهن
قلت بنفسي والله ياهي لعبتهم الحج هذولا اللي ودك تحج معهم
المهم رحنا وشرينا دبابين بس الواحد بسعمائه ريال الله يديم الرخص
المراد ورحنا مكه ..................
أنا سلمكم اللله هدر ماغير امشي وراهم ماادري وش مناسك الحج
واللي يسونوه اسويه
طبعا انا بدباب واخوياي بالدباب الثاني وامشي وراهم
المهم وقفنا الدبابات على الرصيف وربطناهن بمصوره حقت كهرب ورحنا
مريناا مع ساحه كله اتريلات حقات ثلاجات توزع عصير وماء للحجاج انا قعدت اناظر العالم اللي يتهاوشون على العصير والماء ... مادريت إلا اخوياي ماهوب حولي ادورهم ادورهم ماأدري وين راحوا
المهم بديت امشي مع الحجاج وادورهم مادريت إلا دخلنا زحمه
قسم بالله كنت امشي خطوه خطوه قعدت اشوي بدينا ماانتحرك
مااشوف إلا رؤوس الحجاج زي الموج بالضبط وش السالفه وش عندهم
ابي اتحرك عجزت ودي اطلع من الزحمه ماقدرت قلت يابن الحلال خلك معهم
المهم بداء الموج يروح يجي وانا معهم مادريت إلا رجلين عليهن شي بس مأدري وشو يوم ناظرت اثروه احرامي طايح :76:
وش السوات وش الدبره ودي انزل وادنق واجيبوه بس عجزت زحمه
اخاف ادنق يدفونن اللي ورى واطيح ... قلت بنفسي ياحبيي يقولون مشى عريان بالحج ولا يقولون مات بالحج توطوه الحجاج
اسكت واتحرى الفرصه علشان ارفعه بس ماش ماجت الفرصه
لمين ضاق صدروه اللي وراي وحمق علي نزل هو وأرفعوه لي
أنا من الحياء مسكت عجزت اللتفت لوه مأبيه يشوف وجهي
المهم جت الفرصه اللي اطلع من الزحمه طلعت ورجعت لم الدباب وانا احضرم وأهارج نفسي وضايقتن بي الأرض اخوياي ماادري وينهم وتو العالم كله شافتن عريان
وانا راجع لم الدباب مريت من عند التريلات اللي يوزعون عصير وماء
مادريت إلا واحد ينادي ويقول يا حاج يا حاج
اللتفت عليه واثروه اللي يوزع عصير ويحلت علي عصير وانقز وامسكوه
ذاك الوقت صدز حسيت اني حارس مرمى
مادريت إلا العالم تضحك ويناظرونن؟؟؟؟
وأناظر اثر احرامي طايح والدنيا طالعه
يالليل الليل
رفعت احرامي وجدعت العصير وبديت اركض لم الدباب وضايقتن بي الارض ابي اروح لم البيت خلاص مليت كلن شافن
رحت وقعدت عند الدباب لمين جو اخوياي
وينك وما وينك قلت لهم كولوا تبن بس ... هم شافون مبرطم اسكتوا ماقالوا شي ... وقالوا يالله مشينا لم السياره
المهم اركبوا الدباب وانا ركبت دبابي ومشيت وراهم
وحنا رايحين لم السياره ومسرعين اشوف دباب اخوياي اذا مروا من عندي اي هويه بالشارع يرتفع الكفر القدام
قلت لهم الدباب يرتفع يناظرونن ويضحكون
مادريت إلا الدباب مغزل وخويي اللي ورى يتقلب بالشارع والثاني متمسك بالدباب اللي ورى تزلغ وتقطع جلدوه واحراماتوه بجهه وهو بجهه
انا ماادري اضحك ولا اروح اشوف وش جاوه المهم رحت وجمعت احراماتوه وقعت اللبسوه على الرصيف الدنيا اللي ورى كله تخرخر دمان
المهم قعد يتهاوش هو وخويي الثاني لمين طقت اتسبودهم
انا طبعا الحين استانست فيه واحد ثاني غيري عريان بالحج
المهم ركب معي الثاني وخلينا خوينا ورانا
مأدريت الا بشارع كلوه باصات ورى بعض مسكرات الشارع
انا سويت فيها حريف وسواق ولعبتي الدبابات
دخلت بين الباصات على سرعتي وخويي وراي
المسار اللي بين الباصات يالله يالله يوسع الدباب يعني لو الف يمين درجه وحده حكيت بالباص
خويي اللي وراي الله يصلحوه من الخوف بداء يطلع راسوه يمين ويسار يبي يشوف وش قداموه
الدباب بداء يروح يمين ويسار عجزت اتحكم بوه.... قلت لوه لا تحرك
الهدر مابوه فايده من الخوف غصب يناظر
مادريت الا بدينا نخبط بالباصات يمين ويسار يمين ويسار وانا من الخوف تمسكت بالدراكسون حق الدباب وعلقت على حق السرعه
خويي اللي وراي يوم شافنا بدينا نخبط هو من الخوف عجز يتحكم بالدباب
وصار لوه مثل ماصار لنا ياما صبخنا بالباص اللي يمين وياما صبخنا بالباص اللي يسار لمييييييييييييين خلصن الباصات .....
وش اللي بعد الباصات نقطه تفتيش وممنوع اي دباب يمشي على طول يمسكونوه ويصادرون الدباب
وش اللي صار عقب ماقضينا من الصبخ بالباصات تقلبنا انا وخويي اللي راكب وراي وخوينا اللي بالدباب الثاني صدم بالدباب حقنا وبدى يتقلب مثلنا
وتعالوا شوفونا الحرامات متشققه وبعضهن طايح والدنيا زيطه
راعين الباصات كلهم انزلوا يبون يفقعون اوجيهنا و العساكر يبون يمسكونا
وحنا بلشين بالوجع ولا انتستر و وهذولا اللي يبون يغبرون بنا المهم بدينا نسوي انفسنا يالله يالله انتنفس والوجع لاعب بنا
جو ولبسونا الإحرامات وارحمونا وقالوا لنا طس لا نشوفكم
حنا ركبنا دباباتنا ورحنا لم السياره وشغلنا وعلى طول لم الرياض ما كملنا الحجه وكل الخط كل واحد يعلق على الثاني
بمان الله وانشاء الله اشوفك بقصه ثاني
يالله انك تحييهم وشلونكم انشاء الله بخير
اليوم ابي اقص لكم قصه صارت لي وانا بالحج
هذا سلمكم الله يوم من ايام ذو الحجه كنت جالس بالإستراحه مالي من الشيطان طريق اتفنجل انا واقهوتي واضرب من الحلى
مادريت إلا دخلوا علي اثنين من الشباب وقالوا لي يالله تقلقل
قلت وش تبون قالوا يالله جهز نفسك نبي نحج
قلت لهم والله وقضوا الناس واحج معكم طسوا بس
قالوا وراه وش بك .. قلت الحج يبيلوه ناس تعرف وين نروح وين نجي
قال واحد منهم لعبتي الحج اربع مرات حاج وهذي الخامسه انشاء الله
قلت لا مانب رايح ... المهم جلسوا فوق راسي وقالوا قسم بالله كأنه كشته
والله ان تستانس إن كان خايف من الزحمه فأنا اعرف اوقات مافيه زحمه ومن هالكلام ماادريت إلا ادخلت براسي
قلت لهم يالله مته المشيه قالوا بعد يومين قلت تم
من بكره دقو علي وقالوا لي وينك قلت بالبيت قالو يالله شوي وجاينك
المهم وصلوا لمي وقلت لهم وين؟؟؟؟؟
قالوا نبي نشري دبابات !!!!
انا اطلعن اعيوني .... وش دبابات وين حنا بوه
وش اللي دبابات تستهبلون انتم
قالوا لا دبابات حقات اللي يغسلون سيارات حقت البنقاليه
انهبلت انا ... قلت وش نبي بهن .... قالوا وش عرفك همانا قلنا لك كأنك كاشت ... هذولي علشان الزحمه إذا وصلنا نركبهن
قلت بنفسي والله ياهي لعبتهم الحج هذولا اللي ودك تحج معهم
المهم رحنا وشرينا دبابين بس الواحد بسعمائه ريال الله يديم الرخص
المراد ورحنا مكه ..................
أنا سلمكم اللله هدر ماغير امشي وراهم ماادري وش مناسك الحج
واللي يسونوه اسويه
طبعا انا بدباب واخوياي بالدباب الثاني وامشي وراهم
المهم وقفنا الدبابات على الرصيف وربطناهن بمصوره حقت كهرب ورحنا
مريناا مع ساحه كله اتريلات حقات ثلاجات توزع عصير وماء للحجاج انا قعدت اناظر العالم اللي يتهاوشون على العصير والماء ... مادريت إلا اخوياي ماهوب حولي ادورهم ادورهم ماأدري وين راحوا
المهم بديت امشي مع الحجاج وادورهم مادريت إلا دخلنا زحمه
قسم بالله كنت امشي خطوه خطوه قعدت اشوي بدينا ماانتحرك
مااشوف إلا رؤوس الحجاج زي الموج بالضبط وش السالفه وش عندهم
ابي اتحرك عجزت ودي اطلع من الزحمه ماقدرت قلت يابن الحلال خلك معهم
المهم بداء الموج يروح يجي وانا معهم مادريت إلا رجلين عليهن شي بس مأدري وشو يوم ناظرت اثروه احرامي طايح :76:
وش السوات وش الدبره ودي انزل وادنق واجيبوه بس عجزت زحمه
اخاف ادنق يدفونن اللي ورى واطيح ... قلت بنفسي ياحبيي يقولون مشى عريان بالحج ولا يقولون مات بالحج توطوه الحجاج
اسكت واتحرى الفرصه علشان ارفعه بس ماش ماجت الفرصه
لمين ضاق صدروه اللي وراي وحمق علي نزل هو وأرفعوه لي
أنا من الحياء مسكت عجزت اللتفت لوه مأبيه يشوف وجهي
المهم جت الفرصه اللي اطلع من الزحمه طلعت ورجعت لم الدباب وانا احضرم وأهارج نفسي وضايقتن بي الأرض اخوياي ماادري وينهم وتو العالم كله شافتن عريان
وانا راجع لم الدباب مريت من عند التريلات اللي يوزعون عصير وماء
مادريت إلا واحد ينادي ويقول يا حاج يا حاج
اللتفت عليه واثروه اللي يوزع عصير ويحلت علي عصير وانقز وامسكوه
ذاك الوقت صدز حسيت اني حارس مرمى
مادريت إلا العالم تضحك ويناظرونن؟؟؟؟
وأناظر اثر احرامي طايح والدنيا طالعه
يالليل الليل
رفعت احرامي وجدعت العصير وبديت اركض لم الدباب وضايقتن بي الارض ابي اروح لم البيت خلاص مليت كلن شافن
رحت وقعدت عند الدباب لمين جو اخوياي
وينك وما وينك قلت لهم كولوا تبن بس ... هم شافون مبرطم اسكتوا ماقالوا شي ... وقالوا يالله مشينا لم السياره
المهم اركبوا الدباب وانا ركبت دبابي ومشيت وراهم
وحنا رايحين لم السياره ومسرعين اشوف دباب اخوياي اذا مروا من عندي اي هويه بالشارع يرتفع الكفر القدام
قلت لهم الدباب يرتفع يناظرونن ويضحكون
مادريت إلا الدباب مغزل وخويي اللي ورى يتقلب بالشارع والثاني متمسك بالدباب اللي ورى تزلغ وتقطع جلدوه واحراماتوه بجهه وهو بجهه
انا ماادري اضحك ولا اروح اشوف وش جاوه المهم رحت وجمعت احراماتوه وقعت اللبسوه على الرصيف الدنيا اللي ورى كله تخرخر دمان
المهم قعد يتهاوش هو وخويي الثاني لمين طقت اتسبودهم
انا طبعا الحين استانست فيه واحد ثاني غيري عريان بالحج
المهم ركب معي الثاني وخلينا خوينا ورانا
مأدريت الا بشارع كلوه باصات ورى بعض مسكرات الشارع
انا سويت فيها حريف وسواق ولعبتي الدبابات
دخلت بين الباصات على سرعتي وخويي وراي
المسار اللي بين الباصات يالله يالله يوسع الدباب يعني لو الف يمين درجه وحده حكيت بالباص
خويي اللي وراي الله يصلحوه من الخوف بداء يطلع راسوه يمين ويسار يبي يشوف وش قداموه
الدباب بداء يروح يمين ويسار عجزت اتحكم بوه.... قلت لوه لا تحرك
الهدر مابوه فايده من الخوف غصب يناظر
مادريت الا بدينا نخبط بالباصات يمين ويسار يمين ويسار وانا من الخوف تمسكت بالدراكسون حق الدباب وعلقت على حق السرعه
خويي اللي وراي يوم شافنا بدينا نخبط هو من الخوف عجز يتحكم بالدباب
وصار لوه مثل ماصار لنا ياما صبخنا بالباص اللي يمين وياما صبخنا بالباص اللي يسار لمييييييييييييين خلصن الباصات .....
وش اللي بعد الباصات نقطه تفتيش وممنوع اي دباب يمشي على طول يمسكونوه ويصادرون الدباب
وش اللي صار عقب ماقضينا من الصبخ بالباصات تقلبنا انا وخويي اللي راكب وراي وخوينا اللي بالدباب الثاني صدم بالدباب حقنا وبدى يتقلب مثلنا
وتعالوا شوفونا الحرامات متشققه وبعضهن طايح والدنيا زيطه
راعين الباصات كلهم انزلوا يبون يفقعون اوجيهنا و العساكر يبون يمسكونا
وحنا بلشين بالوجع ولا انتستر و وهذولا اللي يبون يغبرون بنا المهم بدينا نسوي انفسنا يالله يالله انتنفس والوجع لاعب بنا
جو ولبسونا الإحرامات وارحمونا وقالوا لنا طس لا نشوفكم
حنا ركبنا دباباتنا ورحنا لم السياره وشغلنا وعلى طول لم الرياض ما كملنا الحجه وكل الخط كل واحد يعلق على الثاني
بمان الله وانشاء الله اشوفك بقصه ثاني